Jasangarritasunarekin lotutako tokiko politika publikoak ebaluatzen ditu Tokiko Agenda 21 prozesuen kalitatea neurtzeko TAK21 sistemak, bikaintasun maila ezartzeko bost faktore izaten dituelarik kontuan. Honako hauek dira faktore horiek: Tokiko Agenda 21aren gaineko Udalaren ikuspegi estrategikoa, Agenda 21aren transbertsalitatea Udalaren sail guztietan, herritarrek prozesuotan duten partaidetzaren kudeaketa, kalitate operatiboa eta udal jasangarritasuneko adierazleak.

Faktore horien araberako puntuazio altuena jasotzen duen udalari emango zaio 2017ko Euskadiko Udalerri Jasangarria Saria. Gainera, Euskadiko Tokiko Agenda 21en bikaintasun-eredua neurtzeko erabiltzen diren bost faktoreetako bakoitzean puntuazio handiena lortzen duten herriek ere aipamen berezia jasoko dute.

 

Izen-ematea. Bidali mezu elektroniko bat eventos@ihobe.eus helbidera, datu pertsonalak eta zein erakunde ordezkatzen duzun.